पुनर्जिवन होमीयोप्याथिक क्लीनिकमा जेष्ठ नागरिक, अपाङ्गता र अशक्तहरुको स्वास्थ्य चेक जाँचमा पैसा नलाग्ने

धरान । सुनसरीको धरान–९ आचार्यलाइनमा सञ्चालनमा ल्याइएको पुनर्जिवन होमीयोप्याथिक क्लीनिकमा स्वास्थ्य सेवा लिनेहरुको संख्या  दैनिक बढिरहेको छ । सञ्चालनमा ल्याइएको छोटो अवधीमै स्वास्थ्य सेवा लिनेको संख्या उल्लेखीय रहेको वरिष्ठ होमीयोप्याथिक चिकित्सक डा. योगेन्द्र राईले बताए ।
डा. योगेन्द्र राईकाअनुसार गत माघ २६ गतेबाट सञ्चालनमा ल्याइएको क्लीनिकबाट फागुन ४ गतेसम्म सेवाग्राहीहरुको निःशुल्क स्वास्थ्य चेक जाँच गरिएको थियो । सात दिनसम्म गरिएको चेक जाँचमा १ दिनमा २० जनासम्मले निःशुल्क सेवा लिएका थिए । उक्त क्लीनिकमा दैनिक १८ जनाले अकुपञ्चर सेवा पनि लिइरहेका छन् । यो सेवा अकुपञ्चरिष्ट भवानी भट्टराईले दिइरहेका छन् ।
उक्त क्लीनिकमा जेष्ठ नागरिक, अपाङ्गता भएका र अशक्तहरुको स्वास्थ्य चेक जाँच निःशुल्क गरिने डा. योगेन्द्र राईले बताए । यहाँ नसा तथा पुराना सम्पूर्ण रोगहरुको सफल उपचार गरिने दावी डा. योगेन्द्र राईको छ । यसका साथै प्रत्येक सोमबार सबै उमेर समूहका सेवाग्राहीहरुको स्वास्थ्य निःशुल्क चेक जाँच गरिन्छ । पुनर्जिवन होमीयोप्याथिक क्लीनिक प्रा.लि.सञ्चालन भएसँगै ५ जनाले रोजगारी पाएका छन् ।

0Shares

Leave a Reply

Your email address will not be published. Required fields are marked *